Дэлегацыя беларускіх чыноўнікаў прыбыла ў Кабул для перамоваў з талібамі, паведамляе «Еўрарадыё» са спасылкай на афганскія СМІ.
Беларусь на сустрэчы прадстаўляе намеснік міністра замежных спраў Сяргей Лукашэвіч. На сайце беларускага МЗС няма згадак пра гэты візіт. Беларуская дэлегацыя правяла сустрэчу з намеснікам кіраўніка палітычнага офіса «Талібана» Абасам Станікзаем.
Таксама ў Кабуле прайшлі сустрэчы паміж прадстаўнікамі міністэрстваў прамысловасці дзвюх краін. У інфармацыйным бюлетэні талібаў мэтай сустрэчы называюць развіццё гандлёва-эканамічных адносін.
вс